Бүгін негізгі отырысы басталған ШЫҰ саммитін Silk Way телеарнасы Астанадағы Тәуелсіздік сарайынан тікелей эфирде көрсетіп жатыр, деп жазады Egemen.kz.
Silk Way телеарнасының жылжымалы студиясы 4 шілде күні бойы жұмыс істейді.
Тікелей эфирден ел басшыларының қол алысу рәсімі, саммитті талқылау, ШЫҰ саммитіне қатысушылардың жедел түсініктемелері мен сұхбаттары көрсетіледі.
Арна маңызды саммиттен тікелей трансляцияны сағат 10:00-ден бастады.
Айта кетейік, «Бейбітшілік және келісім сарайында» БАҚ өкілдеріне арналған баспасөз орталығы да жұмыс істеп тұр.
Саммиттен 700-ге жуық шетелдік және 200 жергілікті БАҚ өкілдері ақпарат таратып жатыр.