Астанадағы айналма жолда болған жол апатынан зардап шеккендер бар, деп хабарлайды Egemen.kz.
Қалалық Полиция департаментінің хабарлауынша, BMW көлігінің жүргізушісі айналма жолмен келе жатып, жол бойында тұрған Chevrolet көлігін соғып кеткен. Жол апаты салдарынан Chevrolet көлігінің үш жолаушысы ауруханаға жеткізілген.
Айта кетейік, елордада жол-көлік оқиғаларын азайтуға, жолдағы құқық бұзушылықтардың алдын алуға және жолын кесуге бағытталған «Қауіпсіз жол» жедел-профилактикалық іс-шарасы өтіп жатыр.