Ұлт денсаулығы – маңызды бағыт

Сенатор алдымен Шым­кент қаласындағы №6 емханасында болды. Емха­нада консультативтік-диагнос­тика­лық бөлімше, отбасылық ден­саулық сақтау орталығы, емдеу-алдын алу бөлігі және әлеу­меттік-психологиялық кө­мек бөлімі жұмыс істейді. Дә­рігерлер мұнда 22 сала бо­йынша кеңес береді, диагнос­тикалық және зертханалық зерттеу жүргізеді, психо­логия­лық көмек көрсетеді.

Сенатор кездесу бары­сында ха­лыққа сапалы меди­циналық қызмет көрсе­ту мәселесін денсаулық сақ­тау басқармасы басшы­лығымен және медициналық мекеме қызметкер­лерімен бірге талқылады.

Н.Бекназаров денсаулық сақтау саласының міндеті – азаматтардың өмір сүру ұзақ­тығын арттыру, ден­сау­лығын жақсарту еке­­нін атап өтті. Сала қызмет­кер­ле­ріне жан-жақты қолдау көрсету, олардың әлеу­меттік жағдайын жақсарту арқылы медицина саласын қаржыландыру өсе түсіп отыр. Жаңа Әді­лет­ті Қазақстан­ды құру­ға ба­ғыт­талған мемлекет­тік саясат­тың маңызды бағыты – ұлт денсаулығы.

Депутат «Қолжетімді бас­пана» мемлекеттік бағдар­ламасы аясында «Бозарық» шағын ауданында салынып жатқан тұрғын үйлерді де аралады. Қазіргі уақытта Шым­­кентте жетім балаларды, көпбалалы аналарды, аз қамтылған отбасыларды, бюд­жеттік ұйымдардың қыз­меткерлерін қосқанда бар­лығы 49 736 адам тұрғын үй кезегінде тұр. Сенатор аз қам­тылған азаматтарды тұрғын үймен қамтамасыз етудің маңы­зына тоқталды және құ­ры­лыс жұмыстарының сапасын атап өтті.

«Мемлекет басшысы қол­жетімді баспанамен қам­­­тамасыз ету әрбір аза­мат­­тың өмір сүру сапасын арт­тыруға бағытталған әлеу­мет­тік сая­саттың басты ба­сым­дығы екенін атап өткен болатын. Қолжетімді баспана – халықтың әл-ауқатын жақсартудың негізі. Мемлекет осыған байланысты тұрғын үйге қол жеткізу мүмкіндігін арттыру үшін бірқатар бағ­дарламаны іске асыра бас­тады, елімізде тұрғын үй құрылысы қарқынды түрде жүріп жатыр. Бұл мәселе біз­дің назарымызда болады», деді Н.Бекназаров.

Сенатор «А-2 Қорғас – Ал­маты – Шымкент – Өзбекстан Респуб­ликасының шекарасы» автомобиль жолын қайта жаңғырту жөніндегі құрылыс жұмыстарының барысымен танысты. Сондай-ақ жүк машиналарын қала сыртымен жүргізу үшін айналма жолдың маңызына тоқталды және қаржыны тиімді жұмсау мен құрылыс сапасын жақсарту қажеттігін атап өтті.