Денсаулық • 18 Желтоқсан, 2024
Шымкент қалалық психикалық денсаулық орталығында науқастарға арналған мектеп ашылды. Оның мақсаты – адамды есінен айырып, өзіне тәуелді қылатын түрлі психотропты заттарға уланған жандарға психологиялық көмек көрсету. Аталған мектеп, сонымен бірге нашақорлық пен есірткі бизнесіне, ойын бизнесі мен лудоманияға қарсы іс-қимыл кешені жоспарын, наркологиялық, токсикологиялық көмекті жетілдіру шараларын іске асыру жөніндегі Жол картасын орындау мақсатында ашылып отыр.
Жоба • 12 Желтоқсан, 2024
Жас экологтердің озық жобалары
Жасыл экономика мен қоршаған ортаны қорғау мәселесі жастарды да толғандырады. Осы орайда Шымкенттегі М.Әуезов атындағы Оңтүстік Қазақстан университетінің белсенді студенттері Президент Қасым-Жомарт Тоқаевтың «Таза Қазақстан» жалпыұлттық экологиялық акциясына қолдау білдіріп, тың жобаларды қолға алды.
Әскер • 11 Желтоқсан, 2024
35748 әскери бөлімі мергендер взводының сержанты Әсілбек Қарабай Қазақстан Қарулы күштері сержанттарының арасындағы XIV бүкіл армиялық конкурсында жеңімпаз атанды. Бұл жарыста ол «Үздік взвод сержанты» аталымында жеңіске жетіп, батылдық пен кәсіби шеберліктің жарқын үлгісін көрсетті.
Шымкент • 06 Желтоқсан, 2024
Ел сенімін арқалау – жауапты міндет
Еліміздегі жергілікті сайланбалы өкілді орган – мәслихаттардың құрылғанына биыл 30 жыл толды. Осыған байланысты Шымкенттегі «Көрме» орталығында арнайы мерекелік іс-шара өтті. Сенат, Мәжіліс, мәслихат депутаттары, ардагерлер, қоғам қайраткерлері қатысқан бұл іс-шарада қала әкімі Ғабит Сыздықбеков құттықтау сөз сөйлеп, бірқатар азаматты марапаттады.
Шымкент • 03 Желтоқсан, 2024
Өткен ғасырдың 30-40 жылдары Қазақстанға Ресей, Кавказдан бірталай этнос өкілдері күштеп жер аударылды. Солардың ішінде ахыска түріктері де бар еді. Биыл олардың сол ауыр тағдырлы тарихына 80 жыл толды. Осыған орай жуырда Шымкенттегі Достық үйінде арнайы іс-шара ұйымдастырылды.
Шымкент • 27 Қараша, 2024
Шайынды су шаруаларға жарап тұр
«Су ресурстары-Маркетинг» ЖШС әкімдігі ұйымдастырған баспасөз туры аясында БАҚ өкілдері Шымкент қаласы сарқынды суларды тазалау қондырғылары кешенінің аймағында орналасқан Бөржар су жинақтағышының жұмысымен танысты.
Жансарай • 23 Қараша, 2024
Елімізде дзюдо спортының негізін қалаушы азаматтардың бірі, Халықаралық дзюдо федерациясының еліміз бойынша жалғыз 8-дан иегері, тәуелсіз Қазақстан атынан алғаш рет Олимпиада, Азия ойындарында дзюдо жарысынан төреші, бас төреші болған, дзюдо мен самбо күресінен спорт шебері, еңбек сіңірген жаттықтырушы Серік Оңғарбаев есімі халқымызға кеңінен танымал.
Шымкент • 21 Қараша, 2024
Жақында Шымкенттегі Жұмабек Тәшенев атындағы университетінде Студенттер үйі ашылды. Білім алушылардың игілігіне арналған бұл нысан мемлекет-жекеменшік серіктестігі аясында салынды. Төрт қабатты жаңа үлгімен бой көтерген Студенттер үйінде бағасы қолжетімді әлеуметтік дүкен, асхана, би алаңы, кір жуу бөлмесі және интернет желісімен жабдықталған оқу залы қамтылған. Сән-сәулеті келіскен ғимарат ішіне күн сәулесі молынан түседі. Бәйдібек би даңғылы бойында биыл шілде айында қолдануға берілген 150 орындық жатақханаға студенттер тамыз айынан бастап орналасты.
Шымкент • 20 Қараша, 2024
Абай атындағы Шымкент қалалық орталықтандырылған көпшілік кітапханалар жүйесінің іргесі қаланғанына биыл 70 жыл толды. Кітапхана тарихы сонау 1947 жылдан басталады. Сол кезеңде қала тұрғындары теміржол клубына кітаптар апарып өткізе бастаған екен. Кейін клуб 1951 жылы Чапаев поселкесіне көшіріледі. 1954 жылы Шымкент қалалық атқару комитетінің шешімімен кірпіш зауытында №7, текстиль фабрикасында №8 өндірістік кітапханалар ашылады. Оларға орыстың жазушы-публицисі М.Горький мен жазушы А.Чехов есімдері беріледі. 1964 жылы Горький кітапханасы қазіргі Б.Момышұлы көшесіндегі жиырмасыншы үйдің бірінші қабатына орналасады. Содан кейін кітапхана бөлімшесінің саны отызға дейін көбейеді. Өткен ғасырдың 70-80 жылдары халықтың кітапқа деген қызығушылығы артады.
Байқау • 20 Қараша, 2024
Қазақстан мұсылмандары діни басқармасының Шымкент қаласындағы өкілдігі «Ulttyq sport fest» спартакиадасын өткізді. Жарыс шартына сәйкес мегаполистің бес ауданында орналасқан мешіт қызметкерлері бес команда құрып жарысты. Спорттық сайысқа жеті түрлі ойын кірді. Атап айтқанда, кір тасын көтеру, асық ату, ләңгі тебу, арқан тартыс, садақ ату, қол күрес пен футбол.
