Алматының Түрксіб ауданында жолаушылар автобусы бар жылдамдықпен жол талғамайтын көлікке соғылып, жеңіл көліктің жолаушысы зардап шекті, деп хабарлайды Egemen.kz.
Қалалық полиция департаменті оқиғаның кеше таңертең болғанын хабарлады.
- Жұмабаев пен Кассин көшелерінің қиылысында бағдаршамның қызыл түсінде қиылысқа шыққан автобус пен Mitsubishi көлігі соқтығысты, - делінген хабарламада.
Жол талғамайтын көліктегі жолаушы соқтығыс салдарынан жарақат алып, ауруханаға жатқызылды.
- Түрксіб аудандық ішкі істер бөлімінің қызметкерлері жол апатының мән-жайын анықтауға кірісті, - деп хабарлады ведомствоның баспасөз қызметі.