Алаяқтардың жаңа әдісі пайда болды. Осы әдіс арқылы Қостанайда бір апта ішінде интернет-алаяқтықтың 15 жағдайы тіркелді. Нәтижесінде қала тұрғындары 15 миллион теңгеден астам шығынға ұшырады, деп хабарлайды Egemen.kz.
Басылым мәліметінше, осы фактілерді зерттейтін қылмыстық полиция қызметкерлері көбінесе алаяқтар өздерінің құрбандарын WhatsApp мессенджері арқылы ұялы байланыс операторларының қызметкерлері ретінде таныстырғаннан кейін болатынын айтты.
«Сіздің абоненттік нөміріңіздің уақыты өтіп кетті. Енді сізге СМС-код келеді» деген алаяқтық әдіс пайда болды. Артынша SMS коды «1414» нөмірі арқылы келеді. Бірақ бұл өздері айтқандай «уақыты өтіп кеткен абоненттік нөмірдің» уақытын ұзартуға емес, несиелік өтінімді рәсімдеуге келеді. Қостанай тұрғындары бұл кодты алаяқтарға қарамай береді, содан кейін алаяқтар несие рәсімін бастайды», - деді Қостанай ҚП криминалдық полиция бөлімі бастығының м.а. Тимур Абдулин.
Мұндай жағдайда алаяқтар тез әрекет етіп, құрбандарының ойлануына жол бермейді. Ойдан шығарылған байланыс операторлары қоңырауларды ойдан шығарылған Ұлттық қауіпсіздік пен Ұлттық қордың қызметкерлеріне аудара алады.
Жыл басынан бері Қостанай облысында алаяқтық фактілері бойынша 900-ден астам қылмыстық іс тіркелген. Алаяқтардың іс-әрекеті нәтижесінде аймақ тұрғындарына келтірілген залалдың жалпы сомасы 1 миллиард 800 миллион теңгеге жуықтайды.