Кеше V Дүниежүзілік көшпелілер ойыны ресми түрде ашылды. Бүгін Астанада дүбірлі доданың сайыстық кезеңі басталады, деп жазады Egemen.kz.
9 қыркүйек күні 9 мемлекеттің көкпаршылары тартысқа шығады.
Бәсекеде Қазақстан құрамасы А тобында бақ сынайды.
Ел көкпаршылары алғашқы ойынын Өзбекстанға қарсы өткізеді. Құрамалар бүгін, сағат 10: 00-де Қазанат ипподромында өзара кім мықтыны анықтайды.
Айта кетейік, бұл спорт түрінен барлығы 104 спортшы қатысады. Қазақстаннан бөлек АҚШ, Ресей, Өзбекстан, Қырғызстан, Венгрия, Қытай, Моңғолия және Түркиядан шабандоздар келген.