«Қазгидромет» синоптиктері 2024 жылдың 12, 13 және 14 қыркүйегіне арналған ауа райы болжамын ұсынды, деп хабарлайды Egemen.kz.
Мамандардың болжамына сәйкес, кең ауқымды антициклон республиканың басым бөлігінде өз әсерін әлі де сақтайды, сәйкесінше, жауын-шашынсыз ауа райы күтіледі. Десе де, солтүстіктің салқын ағындары температураның төмендеуіне ықпал етеді.
Тек елдің шығысы мен оңтүстік-шығысында атмосфералық фронтальды бөліктердің әсерінен жаңбыр жауады, түнде қар жаууы мүмкін.