Жыл басынан бері СҚО прокуратурасы мемлекетке 497 млн теңгеден астам сомаға жер учаскелерін қайтарды, деп хабарлайды Egemen.kz.
Айта кетейік, Солтүстік Қазақстан облысының прокуратурасы ҚР Бас Прокурорының тапсырмасын орындау үшін пайдаланылмаған жерді анықтау және қайтару бойынша кешенді жұмыс жүргізіп жатыр.
Мысалы, Тайынша және Уәлиханов аудандарында Жер кодексінің талаптарын бұза отырып, ұзақ уақыт бойы меншік иелері жалпы ауданы 25,1 мың га ауыл шаруашылығы мақсатындағы жер учаскелерін нысаналы мақсаты бойынша пайдаланбаған.
«Сот тәртібімен жер мемлекетке қайтарылды және бүгінде заңды экономикалық айналымға тартылып жатыр. Бұл бағыттағы жұмыстар әлі де жалғасын табады», делінген прокуратура хабарламасында.