Қазақстанда Ішкі істер министрлігі жанынан жаңа комитет құрылды. Тиісті қаулыға Премьер-министр Олжас Бектенов қол қойды, деп хабарлайды Egemen.kz.
Есірткі қылмысына қарсы іс-қимыл комитеті ҚР Ішкі істер министрлігін құратын тағы бір бөлімше болады.
«Қазақстан Республикасы Ішкі істер министрлігінің есірткі қылмысына қарсы іс-қимыл комитеті құрылсын. Үкіметтің кейбір шешімдеріне енгізілетін өзгерістер мен толықтырулар бекітілсін», - делінген құжатта.
Енді ІІМ құрамына мыналар енеді:
Қазақстан Ұлттық ұланының Бас қолбасшылығы;Қылмыстық-атқару жүйесі комитеті;Әкімшілік полиция комитеті;Көші-қон қызметі комитеті;Есірткі қылмысына қарсы іс-қимыл комитеті.Қаулы қол қойылған күннен бастап, яғни 2024 жылғы 11 қыркүйектен бастап қолданысқа енгізіледі.