Қазгидромет синопиктері 17 қыркүйекке арналған ауа райы болжамын ұсынды, деп хабарлайды Egemen.kz.
Ауқымды антициклонның ықпалымен елдің басым бөлігінде жауын-шашын күтілмейді.
Десе де Қазақстанның солтүстігінде, оңтүстігінде, оңтүстік-шығысында фронттардың әсерінен найзағай жарқылдап, жаңбыр жауады.
Мамандардың болжамына сәйкес, ел бойынша жел күшейеді, ал оңтүстікте шаңды дауыл соғады.
Солтүстікте, шығыста, оңтүстік-шығыстың таулы аудандарында тұман түседі.
«Абай облысының шығысында, орталығында, Шығыс Қазақстан, Солтүстік Қазақстан, Павлодар облыстарының солтүстігінде, шығысында, Қостанай, Қарағанды облыстарының шығысында, Ақмола облысының солтүстігінде, шығысында, Жетісу облысының таулы аудандарында 1-4 градус үсік жүреді», делінген хабарламада.