Қазақ топырағына табанын тигізген жапондық қазақша бірауыз сөз білмейтін көрінеді, деп жазады Egemen.kz.
TikTok желісін қолданушы жапон жігітін көшеде адасып жүрген жерінен көріп қалып, үйіне ертіп апарған. Жас жапон Қазақстанға оның ішінде Шымкентке атасының сүйегін іздеп келіпті, іздеу жұмысына видео авторы енді онымен бірге аттанбақ.
Еске салайық, екінші дүниежүзілік соғыстан кейін совет билігі жапондарды Қазақстанға тұтқын ретінде әкеліп, өндіріс орындарында еңбек күші ретінде пайдаланған. Теміртау (Қарағанды облысы) қаласында жапондардың зираты бар. Ал таяуда ШҚО-ның Риддер қаласында да жапондар жерленген мола табылған.