Су ресурстары және ирригация вице-министрі Нұрлан Алдамжаров ОКҚ алаңында ведомство құрылғаннан бері атқарылған жұмыстар туралы айтты, деп хабарлайды Egemen.kz ОКҚ мәліметіне сілтеме жасап.
Баспасөз конференциясы барысында спикер 1 жыл ішінде негізгі 2 құжат әзірленгенін атап өтті.
Біріншісі - 2030 жылға дейін су ресурстарын басқаруды дамытудың тұжырымдамасы. Онда жалпы 160-қа жуық іс-шара қарастырылған, оның ішінде, 42 жаңа су қоймасын салу, 37 су қоймасын қалпына келтіру жоспарланған. Бұл – 2 млрд текше метр суды жинауға мүмкіндік береді. Сондай-ақ 14,5 мыңнан астам шақырым ирригациялық жүйелер қалпына келтіріледі.
«Екіншісі - жаңа Су кодексі. Құжат қазір Мәжілістің қарауында және жыл соңына дейін қабылданады. Сонымен қатар иесіз қалған су шаруашылық нысандары мемлекет меншігіне қабылданды, өзге жұмыстар жалғасын табады», деді вице-министр.