Астананың Сарыарқа ауданындағы Конституция көшесі, 25 мекенжайында қазақтың көрнекті опера әншісі және халық әртісі Күләш Байсейітоваға арналған жаңа мұрал пайда болды, деп хабарлайды Egemen.kz.
Бұл туралы қалалық әкімдіктің ресми сайты мәлімдеді.
«15 метрлік сурет өзінің ауқымымен ғана емес, терең символизмімен де назар аударады. Мурал Байсейітова шығармашылығының бірегейлігі мен жан-жақтылығын бейнелейді, ол Қазақстан мәдениеті тарихындағы көрнекті тұлғаға айналды. Жарқын және мәнерлі сурет оның опера мен ұлттық музыканың дамуына қосқан елеулі үлесін еске салады», деп жазылған хабарламада.
Жұмыстың қызықты ерекшелігі - мұрал пуантилизм техникасымен орындалған, ондағы кескін көптеген нүктелердің көмегімен жасалған.
Мұралдың авторы Адай Исажанов заманауи көркемдік техникалар арқылы ұлы әншінің бейнесін жандандырды.