Алматы облысының прокуроры Берік Адамов Талғарда көз жұмған Шерзат Болаттың ісі бойынша ашық сот өткізуді қолдайтынын мәлімдеді, деп хабарлайды Egemen.kz.
«Жәбірленушілер тарапы ашық сот өткізуді талап етіп отыр. Прокуратура өз тарапынан сот отырысын ашық, онлайн режимде өткізу бойынша өтініш береді. Біз де бұл талапты қолдаймыз», деді ол.
Еске сала кетейік, Талғар қаласында жас жігіттердің төбелесі 16 жастағы жасөспірімнің өлімімен аяқталған.
Марқұм дүкенде сауда жасап тұрған әкесімен ерегескен клиентпен төбелескен.