• RUB:
    5.04
  • USD:
    487.42
  • EUR:
    531.39
Басты сайтқа өту
Оқиға Бүгін, 17:03

Пойызда бір күнде бірнеше ұрлық жасаған күдікті ұсталды

31 рет
көрсетілді

Көкшетау – Қызылорда пойызында Астанадан Қарағандыға барар жолда жолаушылардың жеке заттары мен ұялы телефонын қолды қылған күдікті ұсталды, деп жазады Egemen.kz.

Күдікті ер адам жолаушылардың ұйықтап жатқанын пайдаланып үш телефон мен жеке заттар салынған сөмкені ұрлап үлгерген.

Полиция күдіктіні сол күні түстен кейін Қарағанды базарларының бірінде қолға түсірген. 

Ұсталған азаматтың осыған ұқсас басқа да ұрлыққа қатысы бар-жоғын анықтау мақсатында жедел-іздестіру шаралары жүргізіліп жатыр.

Айта кетейік, пойызда кез келген заң бұзушылыққа тап болған жағдайда бірден жолсерік пен және полицияны хабардар ету керек.