Аталған тренинг 2024 жылдың 12-13 қарашасында Астанадағы Radisson қонақ үйінде өтеді, деп хабарлайды Egemen.kz.
Оны Қазақстандағы БҰҰ-Әйелдер құрылымы ҚР Мәдениет және ақпарат министрлігі және Қазақстандық қоғамдық даму институтымен бірлесіп, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның қолдауымен ұйымдастырып отыр.
Іс-шараның мақсаты – мемлекеттік органдар мен басқа да мүдделі ұйымдардың заң қызметтерінің өкілдеріне нормативтік-құқықтық актілерге (НҚА) гендерлік сараптама жүргізу дағдыларын үйрету. Тренингтің жетекшісі – гендерлік талдау саласының сарапшысы, нормативтік актілерге арналған гендерлік сараптама әдістемелерінің авторы, Хельсинки университетінің профессоры Марианна Георгиевна Муравьева. Негізгі тақырыптар: халықаралық құқық стандарттары, гендерлік теңдік, гендерлік мейнстриминг және нормативтік құжаттарда қолдануға арналған терминологияны талдау.