«Қазгидромет» РМК синоптиктері қай өңірлерде дауылды ескерту жарияланғанын айтты, деп хабарлайды Egemen.kz.
5 желтоқсанда Батыс Қазақстан облысының батысы мен солтүстігінде тұман, көктайғақ күтіледі.
Оралда тұман түсіп, көктайғақ болады.
Қарағанды облысының шығысында және орталығында түнде және таңертең тұман күтіледі.
Ақтөбе облысының солтүстігі мен шығысында көктайғақ күтіледі. Түнде және таңертең облыстың шығысында, оңтүстігінде және орталығында тұман түседі.
Ақтөбеде көктайғақ болады.
Қызылорда облысының орталығы мен шығысында көктайғақ, облыстың солтүстігі мен орталығында тұман күтіледі.
Қызылордада кей жерлерде тұман, көктайғақ болады.
Түнде және таңертең солтүстік-батыста, Маңғыстау облысының орталығында тұман күтіледі.
Күндіз Қостанай облысының батысында, солтүстігінде және шығысында көктайғақ күтіледі. Облыстың оңтүстігінде тұман түседі.
Жетісу облысының таулы аймақтарында түнде және таңертең тұман күтіледі. Шығыстан жел соғады, Алакөл ауданында екпіні 15-20 м/с, күндіз кей жерлерде 25 м/с.
Солтүстік Қазақстан облысының батысы мен солтүстігінде түнде бұрқасын, көктайғақ, күндіз бұрқасын, көктайғақ күтіледі. Облыстың батысында, солтүстігінде, оңтүстігінде оңтүстік-батыстан соғатын желдің екпіні 15-20 м/с. 6 желтоқсанда облыста қар жауады деп күтіледі. Облыстың батысында, солтүстігінде, шығысында қарлы боран соғып, көктайғақ болады. Облыстың батысында, солтүстігінде, шығысында солтүстік-батыстан соғатын желдің екпіні 15-20 м/с.
Петропавлда 5 желтоқсанда күндіз бұрқасын, көктайғақ күтіледі. Оңтүстік-батыстан соғатын жел күндіз екпіні 15-20 м/с. 6 желтоқсанда бұрқасын, көктайғақ күтіледі. Солтүстік-батыстан жел соғады, екпіні 15-20 м/с.
Шығыста, оңтүстікте және Абай облысының орталығында тұман күтіледі.
Шығыс Қазақстан облысының батысында, солтүстігінде, оңтүстігінде тұман күтіледі.
Өскеменде түнде және таңертең тұман түседі.