Сәтбаев қаласындағы 200-ден аса жеке тұрғын үй иелері орталықтандырылған кәріз жүйесіне қосылып, өткір мәселенің шешімін тапқанына қуанып қалды.
Қаладағы 66,74 орамдардың су бұру жүйелерінің құрылысына өткен жылы «Монолит-Дизайн-2030» ЖШС келісім шарт жасалған еді. Жалпы ұзындығы 4,5 шақырымды құрайтын, 62 құдық және 2 кәріз сорғы станциясын жаңалау қажеттігі туындаған жоба белгіленген мерзімінде пайдалануға берілді.
«Қаладағы кәріз жүйесінің 85 пайызының тозығы жеткен. Бұл өте ауыр мәселе. Сондықтан, біртіндеп жаңаламаса болмайды. Бұл ретте қала бюджетінен де қаржы қарастыруға тура келеді», дейді қала әкімі Мұрат Бөрібаев.
Ұлытау облысы,
Сәтбаев қаласы.
