Ертең, 18 желтоқсанда Қарағандыда бокстан Қазақстан чемпионаты басталады, деп хабарлайды Egemen.kz.
Ұлттық Олимпиада комитетінің мәліметінше, чемпионатқа ұлттық құраманың көшбасшылары қатысады. Алайда құрлық біріншілігінен кейін ерлер құрамасының бас бапкері Қайрат Сәтжанов, Азия чемпионатының жеңімпаздары мен жүлдегерлері ҚР чемпионатына дайындалуға уақыттың болмауына байланысты республикалық турнирге қатыспайтынын айтты.
Айта кетейік, күндізгі сессия сағат 14:00-де, кешкі сессия 18:30-да басталады.
Ел чемпионаты 24 желтоқсанда аяқталады.