Қолайсыз ауа райына байланысты Түркістан және Жамбыл облыстарындағы республикалық автожолдарда көлік қозғалысына шектеу қойылды, деп жазады Egemen.kz.
Бұл туралы «ҚазАвтоЖол» компаниясы хабарлады.
20 желтоқсан сағат 09:00-ден Жамбыл облысындағы республикалық маңызы бар «Алматы-Ташкент-Термез» автожолының 534-593 шақырым аралығында Айша бибі ауылынан Түркістан облысының шекарасына дейін көліктің барлық түрінің қоғалысына шектеу қойылды.
Сонымен қатар Түркістан облысындағы «Алматы-Ташкент-Термез» автожолының 593-663 шақырым аралығында Жамбыл облысының шекарасынан - Қарабұлақ ауылына дейін көліктің барлық түрі үшін қозғалыс шектелді.