Қарағандыда бокстан еліміздің бірінші нөмірлі былғары қолғап шеберлерін анықтайтын біріншіліктің финалдық кезеңі басталды, деп жазады Egemen.kz.
Алғаш болып шаршы алаңға аса жеңіл 48 келі салмақ дәрежесіндегі спортшылар көтерілді. Осы салмақ дәрежесінде бірінші рет 2012 жылы финалға жеткен Теміртас Жүсіпов биыл 8 рет Қазақстан чемпионы атанды.
Бұған дейін Қазақстан біріншілігінде мұндай нәтиже ешкімде болмағанын атап өткен жөн.
Тартысты өткен бәсекенің 2 ші раундынан кейін есеп тең болғанмен, тәжірибелі 36 жастағы Теміртас Жүсіпов жеңісті жұлып алды.
Жас боксшы, Жамбыл облысының намысын қорғаған Нұрзат Оңғаров ел біріншілігінің күміс жүлдесін еншіледі.
