Көкшетау қаласында есірткі қылмысына қарсы күрес қызметкерлері жергілікті колледждің екі студентін ұстаған, деп хабарлайды Egemen.kz.
Студенттердің бірі 10 дана электронды темекіні үйінде сақтаған, ал екіншісінің үйінен 970 дана өнім табылған.
Polisia.kz ақпаратынша ұсталған 20 жастағы жігіт тәркіленген электронды темекілерді саудалау арқылы шамамен 15 миллион теңге пайда табуды көздегенін мойындаған.
Екі факті бойынша ҚР ҚК 301-1-бабы (Шегілмейтін темекі өнімдерінің, вейптердің, хош иістендіргіштер мен олар үшін сұйықтықтардың заңсыз айналымы) бойынша қылмыстық істер қозғалды.