«ҚазАвтоЖол» компаниясы қолайсыз ауа райына байланысты Қарағанды облысындағы жол учаскесінде көлік қозғалысы тоқтағанын мәлімдеді, деп хабарлайды Egemen.kz.
«2025 жылғы 7 ақпан сағат 11:00-де ауа райының бұзылуына байланысты «Астана-Қарағанды-Алматы» автожолының 1505-1610 шақырымы аралығындағы (Атамекен ауылынан Ақсу-Аюлы ауылына дейін) учаскесінде жол жабылды», делінген хабарламада.
Аталған жолды 2025 жылғы 7 ақпан сағат 19:00-де ашу жоспарланған.
Сонымен қатар Астана-Теміртау автожолының 1353-1426 шақырым аралығындағы учаскесінде қозғалысқа шектеу қойылған.