Үкімет отырысында Су ресурстары және ирригация министрі Нұржан Нұржігітов жалпы сомасы 173,7 млрд теңгеге 98 жобаны іске асыру жоспарланып отырғанын айтты, деп хабарлайды Egemen.kz.
«Жобаларды іске асырудың негізгі бағыттарының бірі – жалпы халық саны 423 мың адамды құрайтын 153 елді мекенді сапалы ауыз сумен қамтамасыз ету. Осы мақсатқа жету үшін жыл соңына дейін топтық су құбырының 24 жобасының 12-сін аяқтау жоспарланып отыр», деді ол.
Сонымен қатар биыл 256 мың гектар жүктелген аумақты қамтитын 1953 шақырым суару каналдары пайдалануға берілмек. Аталған жұмыстардың жалпы құны 92,3 млрд теңгені құраған, бұл еліміздің аграрлық секторын дамытуға зор үлес қосады.
