АЛМАТЫ. 19 маусым. Алматы облысында «Жылдың ең үздік дәрігері» номинациясы бойынша хирург Ахатбек Матыбаев ең таңдаулы маман болып танылды. Қандауыры «алтын» дәрігерге «Ниссан-Алмера» жапондық жеңіл көлігі сыйға берілді. Бұл туралы egemen.kz хабарлады.
Ахатбек Матбаев 29 жылдан бері облыстық туберкулезге қарсы диспансерде дәрігер-хурург болып қызмет істейді. Темір көліктің кілтін тапсырған облыс әкімінің орынбасары Махаббат Бигелдиев: «Сіздер күн сайын облысымыздың 100-деген тұрғындарының денсаулығына араша түсесіздер. Сіздердің кәсіби еңбектеріңіз сол себепті де әрқашан да лайықты бағасын алады», – деді.
Ал үздің хирург: «Бұл менің ғана емес, мен қызмет істейтін бүкіл ұжымның маңдай тері – бұл біздің ұжымға көрсетілген құрмет деп санаймын», – деп ағынан жарылды.
Облыста төл мерекесін лайықты қарсы алған талай-талай дәрігерлер мен медбикелерге марапат жасалып, гүл шоқтары берілді, бағалы сыйлықтар тапсырылды.
Талғат Сүйінбай.
Дерек, сурет: egemen.kz.