«Google» атауы кездейсоқ қателіктен пайда болған. Компанияның негізін қалаушылар Ларри Пейдж пен Сергей Брин іздеу жүйесіне ерекше атау іздеді. Олардың әріптесі «гугол» (googol) сөзін ұсынды. Бұл – 1 санынан кейін 100 нөлден тұратын үлкен сан.
Алайда сайттың атауын тіркеу кезінде олар қателесіп, «googol.com» орнына «google.com» деп жазып жібереді. Бірақ бұл сөз Пейдж бен Бринге ұнап, сол күйінде қалды. Осылайша, бүгінде әлемге әйгілі «Google» компаниясының атауы жай ғана орфографиялық қателіктің нәтижесі болып шықты.
