Шайбалы хоккейден Алматының «Айсұлуы» Еуропа әйелдер лигасының (EWHL) жеңімпазы атанды.
Барлық қарсыласын қапы қалдырған қыздарымыз финалда Аустрияның Санкт-Пёльтен қаласының «Сэйбрз» клубына сан соқтырды. Қос команда арасындағы алғашқы матч 1:1 есебімен тең аяқталса, қарымта кездесуде «Айсұлудың» асығы алшысынан түсті – 2:1. Жеңіс голын овертайымда Эннализ Хейс соқты.
