Ауылдағы жалғыз майдангер

Оған аудан орталығынан пәтер тарту етіліп, зор құрмет көрсетілді Ел басына ауыр күн туғанда біздің ауылдан 127 азамат Отан қорғауға аттанған екен. Жан алысып, жан беріскен қан майданнан олардың 79-ы ғана туған-туысқандарымен аман-есен қауышқан. Жыл өткен сайын бұл аталарымыздың қатары селдіреп, қазір бір ғана ардагер қалды. Ол 90-ға келсе де, тұғырдан тая қоймаған қадірменді Айса Сапанов ақсақал. Арамызда асқар таудай болып жүрген атамызға басымызды иіп, тағзым етеміз. Болашақ ұрпақты Отанды сүюге, елінің, туған жерінің адал патриоты болуға, ынтымақ пен бірлікті құрмет тұтуға тәрбиелеу ісіне әлі де үлесін қосып келеді. Мек­тебімізде өтетін тәлім-тәр­бие сағаттарында, Тәуелсіздік мерекесі, Отан қор­ғаушы, Жеңіс күні сияқ­ты мерекелік шараларда өмір­ден көргені, түйгені мол атаның әңгімелерін, естеліктерін шәкірт­теріміз сүйсіне тыңдайды. Одан үлкен ұлағат ала отырып аға ұрпақ өкілдеріне ұқсауға тал­пынады. Адамгершілік, аза­маттық, ұлтжандылық қа­сиет­терді бойларына сіңіреді. Оқушылардан құралған жас тимуршылар атайдың үйіне барып, қолғабыс беріп тұруды дәстүрге айналдырған. Жергі­лікті әкімдік те сый-сия­­пат­тарын жасап тұрады. Жаңа жыл қарсаңында аудан орталығы – Новоишим ауылын­да пай­да­лануға берілген 3 қабат­ты тұрғын үйдің жайлы бір пә­тері Айса атамызға тарту еті­ліп, Ұлы Жеңістің 70 жылды­ғы қар­саңында зор құрмет көр­сетілді.  Әсемгүл ЖАНҒҰТТИНОВА, Сарыбұлақ орта мектебінің директоры. Солтүстік Қазақстан облысы, Ғ.Мүсірепов ауданы.