Ақмола облысының Астрахан ауданында Қалқұтан өзенінің тасуына байланысты ескі Колутон ауылын су басты, деп хабарлайды Egemen.kz.
Қарғын су көшелерге жайылғанымен, тұрғын үйлердің ішіне енбеген. Қазіргі таңда 1000-нан астам құм қап төселіп, 300 текше метр су сорылып жатыр.
Апат салдарынан ауылдан 21 адам эвакуацияланып, 100-ден аса ірі қара мен ұсақ мал қауіпсіз жерге көшірілген.
Су тасқыны Жақсы ауданына да зардабын тигізген. «Астана–Атбасар–Жақсы–Рузаевка–Сарыкөл–Қостанай» бағытындағы республикалық маңызы бар тас жолды су шайып кеткен.
Төтенше жағдайлар қызметінің мәліметінше, ескертуге қарамастан жолмен өтпек болған көлікті тасқын су жиегіне ағызып әкетіп, жүргізуші көз жұмған.
Қазіргі таңда жағдай бақылауға алынғанымен, тұрғындарға қауіпсіздік шараларын қатаң сақтау ескертілді.