Астанамыз –
Қасиетті төріміз,
Айбынымыз,
Айбат тұтар өріміз.
Жер-жаһанның
оған ауған назары.
Мақтан тұтып,
Мадақтаймыз оны біз.
Болашағым –
Астанамда басталған,
Түнек түн де
Астанамнан жасқанған.
Сұлу қала
Ертегілер елінен
Жаңа түсе қалғандайын
Аспаннан.
Ақиқатын айтар болсақ
нақтылы,
Қазағымның пейіліндей пәктігі
Астананы –
Бас қаланы туғызған
Президент Назарбаев –
Авторы!
Астанамыз –
Жүректердің толғауы,
Астанамыз –
Миллиондардың қолдауы.
Жас қаламыз,
Дастан, аңыз, Астана
Елбасының Болашаққа
Жолдауы,
Елбасының мәңгілікті таңдауы!
Қайрат ЖҰМАҒАЛИЕВ. ОРАЛ.