Америкалық психиатр Рами Камински психологияға «отроверт» терминін ұсынды. Бұл атау классикалық интроверт пен экстраверттің арасындағы, өзіндік ерекшелігі бар жеке типке жататын адамдарды сипаттайды.
Мамандардың түсіндіруінше, отроверттер әлеуметтік ортада еркін сөйлесіп, адамдармен тез тіл табыса алады, тіпті жақын байланыс орнатуы да оңай. Алайда ішкі әлемінде олар көпшілік ортадан белгілі бір қашықтық сақтағанды, сезімін жалғыз қалып саралағанды жөн көреді. Сондықтан сырттай ашық көрінгенімен, іштей оқшаулануға бейім болуы мүмкін. Камински мұндай адамдарға «әлеуметтік бетперде» тән екенін айтады, яғни ортаға тез бейімделу үшін олар өзіне үйреншікті емес мінез көрсетуі ықтимал.