Ауа райының құбылуына байланысты Қарағанды, Ақмола, Шығыс Қазақстан және Павлодар облыстарындағы жол қозғалысына өзгерістер енгізілді, деп хабарлайды Egemen.kz.
Өңірлердегі жағдай:
Қарағанды облысы: 4 қаңтардан бастап ауа райының нашарлауына байланысты республикалық маңызы бар «Астана – Қарағанды – Алматы» тасжолының 92–164 шақырым аралығында (Анар станциясынан Теміртау қаласына дейін) жылдамдық режімі сағатына 110 шақырымға дейін төмендетілді.
Ақмола облысы: ауа райының жақсаруына байланысты «Астана – Көкшетау – Петропавл» тасжолының 18 – 232 шақырым бөлігінде жылдамдық режімі сағатына 110 шақырымға дейін ұлғайтылды.
Аяз күшейіп, дауыл соғады: синоптиктердің бүгінгі болжамы
Шығыс Қазақстан облысы: «Өскемен – Алтай – Қатонқарағай – Рахман қайнарлары» жолында тіркемесі бар жүк көліктері үшін шектеу енгізілді. Бұл тыйым осы қыс маусымының соңына дейін күшінде болады.
Павлодар облысы: «Астана – Шідерті – Павлодар – Успенка» тасжолындағы Қалқаман жол айрығында техникалық ақаулар анықталды. Осыған байланысты Қалқаман кентіне кіреберіс пен Астана бағытына шығатын жол жабылды.