Бүгін еліміздің басым бөлігінде қолайсыз ауа райы болжанып отыр, деп хабарлайды Egemen.kz.
Синоптиктердің мәліметінше, бүгін еліміздің басым бөлігінде батыстан келген циклон әсерінен жаңбыр мен қар аралас жауын-шашын күтіледі. Сондай-ақ боран соғып, көктайғақ қалыптасуы мүмкін. Түнгі уақытта Түркістан облысында қар аралас жаңбыр жауады. Ал күндіз еліміздің шығыс өңірлерінде қатты қар жауады деп болжанды.
Республика бойынша тұман түсіп, желдің күшеюі ықтимал. Бұл автожолдардағы қозғалысты қиындатып, көлік қатынасының жұмысына әсер етуі мүмкін.
Ел тұрғындарына сақтық шараларын сақтап, алыс сапарларға шықпауға кеңес беріледі.