Қытайда әзірленген қауіпсіздікті бақылауға арналған «Are You Dead» (Sileme) мобильді қосымшасы күтпеген жерден кең таралып, «App Store»-дегі ақылы қосымшалар рейтингінің көшін бастады.
«Sileme» жалғыз тұратын адамдардың қауіпсіздігін бақылауға арналған құрал ретінде жасалған. Қолданушы күн сайын өзінің жағдайы жақсы екенін білдіріп, белгі қою батырмасын басуға тиіс. Егер белгіленген уақыт ішінде бұл әрекет орындалмаса, жүйе төтенше жағдайға арналған байланыс тұлғасына автоматты түрде хабарлама жібереді. Қосымша қолданушыларға: «Егер екі күн ішінде белгі қоймасаңыз, жүйе сіздің атыңыздан төтенше жағдайға арналған контактілерге электронды хат жібереді», деп ескертіп отырады.