Ақтау гарнизонындағы әскери бөлімдердің бірінде мерзімді әскери қызметшінің қаза табуына байланысты сотқа дейінгі тергеп-тексеру басталды, деп жазады Egemen.kz.
Оқиға орнына Қорғаныс министрінің орынбасары, Бас әскери прокурор, сондай-ақ Ішкі істер министрлігінің Әскери-тергеу департаментінің басшысы барды. Қажетті жедел-тергеу іс-шаралары жүргізіліп, бірқатар сараптамалар тағайындалды.
Сарбаздардың өлімі: Лауазымды тұлғалар қызметінен босатылды
Іс бойынша процессуалдық прокурор айқындалды. Тергеу барысы Қазақстан Республикасының Бас прокуратурасының бақылауында.
Өскемендегі әскери бөлімде сарбаз өзіне қол жұмсады
Ведомство мәліметінше, Қылмыстық-процестік кодекстің 201-бабына сәйкес сотқа дейінгі тергеп-тексерудің өзге деректері жария етілмейді.
Қаперге алайық, Мемелекет басшысының «Turkistan» газетіне берген сұхбатында «Сарбаздардың жарақат алуы мен қаза болуы өркениетті елге жат үрдіс» деп айтқан еді.