Алматыдағы Қазақ ұлттық аграрлық университетінде «Олжас Сүлейменов жүлдесі» үшін ардагерлер арасында волейболдан IX халықаралық турнир өтті.
Турнирге ардагерлер, Парламент Мәжілісінің депутаттары, облыс әкімдері, судьялар қатысты. Олжас Сүлейменовтің өзі де Қазақ ұлттық аграрлық университеті командасының сапында болды. Аталған шараға Қазақстаннан барлығы 9 команда қатысты. – Ардагерлер арасында волейболдан жарыс ұйымдастырғанымызға биыл – 10 жыл. Бұл ісіміз кейінгі ұрпаққа, жастарға үлгі болады ғой деп ойлаймын, – дейді ақын журналистерге спорт алаңы үстінде берген шағын сұхбатында. Қазақ ұлттық аграрлық университетінде «Олжас Сүлейменов атындағы әлеуметтік-гуманитарлық білім беру және тәрбие институты» тоғыз жылдан бері жұмыс істейді. Сондықтан да қайраткер тұлға осында оқитын студенттермен жиі кездесіп тұрады. Жастармен жүздесу барысында Олжас Омарұлы бейбітшілік, еліміздің экологиялық мәселелерін және жоғары оқу орындарының халықаралық білім кеңістігіне кіруі туралы өз пайымдауларын айтып, кең отырып пікір алмасады. Үш күнге созылған республикалық қызықты жарыста ақынның командасы ауыспалы кубокты тағы да өз иеліктерінде қалдырды.
Қазбек СҰЛТАНБЕК, студент.