ПАВЛОДАР. 22 мамыр. Былтыр Лондонда өткен халықаралық туристік көрмеде, Еуропа жұртшылығына Павлодар облысының ішкі туризм әлеуеті таныстырылған болатын. Осыдан кейін бір топ голландиялық туристер Қазақстанға келуге ниет білдіріп отыр. Бұл туралы egemen.kz тілшісі хабарлады.
Голландықтар алматылық «Тұран-Азия» туроператоры арқылы облысқа келіп, қаланы аралайды, Наум Шафердің мұражай-үйіндегі әлем халықтарының фольклоры жазылған көне күйтабақтардың тыңдап, ғалымның шығармашылығымен танысады. Қазір облыстық кәсіпкерлік, сауда және туризм басқармасы алматылық турфирмамен бірлесіп, Баянауылдай көркем табиғаты бар өңірімізді жарнамалау мақсатында жұмыс жасауда.
Фарида Бықай.
Дерек, сурет: egemen.kz