Қазақ университетінің 70 ректорлық гранты халықаралық және республикалық байқаулар, олимпиада, ғылыми жоба жеңімпаздары мен “Алтын белгі” иелеріне табыс етілді

Қазақ ұлттық университеті биылғы оқуға қабылдау бойынша 3200 мемлекеттік білім грантымен көшбасшы атанып отыр. Соны­мен бірге ол Бірыңғай ұлттық тес­тіде жоғары балл жинап, бірақ, мемлекеттік білім грантына ие бола алмаған талапкерлерге қол­дау көрсетуде. Талапкерлердің ба­сым бөлігін “Алтын белгі”, ерек­ше үлгідегі аттестат иегерлері және т.б. құрайды. Қабылдау комиссиясының деректеріне сүйенсек, 2010 жылы ҚазҰУ студенттерінің қатары 700 “Алтын белгі” иегерлерімен және 150-ден астам халықаралық ол­им­пиада жеңімпаздарымен то­лық­ты. Енді олардың қатарына ректорлық гранттардың иегерлері де қосылып отыр. Өткен жылмен салыстырғанда, ректорлық грант­тардың саны 3,5 есеге көбейген. Жоғары “сапа” мен биылғы жылдың рекордты көрсеткіштері Қазақстанның жоо бас рей­тин­гі­сінде бірінші орында тұрақтаған Қазақ ұлттық университеті үшін таңғаларлық жәйт емес. Бас білім ордасы екінші жыл қа­тарынан жаңа студенттерді қабылдау тұжырымдамасын жүзе­ге асырып жатыр. Бұл стратегия шең­берінде республикамыздың түкпір-түкпі­рінде орасан зор кәсіби бағыт­тағы жұмыстар жа­салды. Қазақ­стан­ның 14 облы­сын­да “Әл-Фараби” пән­дік олим­пиадалары өтіп, уни­вер­си­теттің арнайы комиссиясы да­рын­ды мектеп оқушыларын іздестірді. Жоғарыда аталған 70 ректор­лық грантты студент атанған қуа­нышты талапкерлерге тапсырып тұрып ректор Бақытжан Жұма­ғұ­лов биылғы бірінші курс студент­те­рінің жоғарғы деңгейі қазақ­стандық интеллектуалды ұлттың жаңа толқынын қалыптастыру мен білікті мамандарды даярлау ісінде мықты негіз болатынына сенімді екендігін атап көрсетті. Қорғанбек АМАНЖОЛ.