АСТАНА. 10 қаңтар. АҚШ соңғы күндері Корей түбегіндегі ахуалдың күрт күрделене түсуіне байланысты Корея Республикасына өзінің В-52 стратегиялық бомбардировщигін аттандырды. Бұл туралы «Ренхап» агенттігіне сілтеме жасаған ТАСС хабарлады.
Екі корей мемлекеті арасындағы қарым-қатынастың қайтадан қырғиқабақ қалыпқа келуіне жақында КХДР-дың сутегі бомбасын сынақтан өткізуді сәтті аяқтағаны жөнінде мәлімдеме жасауы болды.
Оңтүстік Корея ақпарат агенттінің мәліметіне сәйкес, бомбардировщик түбекке Американың Гуам аралында орналасқан әуе-қорғаныс күштері базасынан жіберілген. Сеулдің Пхеньян әрекетіне байланысты жасап жатқан қарсы шараларының бірі осы болып отыр. Мұның алдында Оңтүстік Корея КХДР-мен шекарада насихаттық хабар жүргізуін қайта бастаған еді.
Еске сала кетейік, КХДР 6 қаңтар күні сутегі бомбасын сынақтан сәтті өткізгенін мәлімдеген болатын. Онда елді үкіметі сынақтың «аймақтағы экологиялық ахуалға әсер етпегені» атап көрсетілді.
Талғат Райымбек.
Дерек, сурет: ТАСС.