ҚАРАҒАНДЫ. 20 қаңтар. Қарағанды облысындағы алпауыт кәсіпорын «АрселорМиттал Теміртау» акционерлік қоғамы жұмысшыларының еңбекақысы өсті. Бұл туралы компанияның баспасөз қызметіне сілтеме жасаған egemen.kz тілшісі хабарлады.
«АрселорМиттал Теміртау» басшылығы мұндай шешім қабылдау барысында ұжымдық келісім-шартты негізге алған. Осылайша, биылғы жылдың 1 қаңтарынан бастап Көмір және Болат департаменттері, «Өркен» ЖШС және «Құрылысмет» ЖШС жұмысшыларының еңбекақысы 6,8% өсті.
Қайрат Әбілдинов.
Дерек, сурет: «АрселорМиттал Теміртау» компаниясының баспасөз қызметі.