ШЫМКЕНТ. 24 ақпан. Оңтүстік Қазақстан облысы білім, жастар саясаты және тілдерді дамыту басқармасына қарасты «Облыстық жас туристер» стансасының ұйымдастыруымен еліміз Тәуелсіздігінің 25 жылдығына арналған «Менің еліме -25 шың» атты жарыс өткізілді. Бұл туралы egemen.kz тілшісі хабарлады.
Шымкенттегі «Мега» ойын-сауық орталығында өткен «Жасанды бедерде спорттық құзға өрмелеудің тәсілдері» бойынша қалалық туристік жарысына 5-11 сынып оқушылары қатысты.
Жарысты ұйымдастырушылар «бұл жарыс арқылы мемлекетіміздің Тәуелсіздігіне мән беріліп, оқушыларды патриоттық рухына тәрбиелеуге қол жеткіземіз», дейді. Сонымен қатар, балалар қиын-қыстау шақта абдырап қалмай шешім қабылдауға үйренеді әрі батылдыққа баулынады.
Бақтияр Тайжан.
Дерек, сурет: egemen.kz