ұсынған депутаттыққа кандидаттар тіркелуге қажетті құжаттарды тапсырды
Кеше Қазақстан халқы Ассамблеясының Кеңесі ұсынған Парламент Мәжілісінің депутаттығына кандидаттар Орталық сайлау комиссиясына тіркеу үшін қажетті құжаттарды ұсынды.
26 ақпанда «Қазақстан Республикасындағы сайлау туралы» Қазақстан Республикасы Конституциялық заңының 87-бабына және «Қазақстан халқы Ассамблеясы туралы» Қазақстан Республикасы Заңының 10-бабына сәйкес ҚХА Кеңесі Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына
9 кандидат – Сауытбек Абдрахманов, Владимир Карпович Божко, Наталья Васильевна Жұмаділдаева, Роман Укенович Ким, Наринэ Гамлетовна Микаелян, Ахмед Сейдарахманович Мурадов, Шаймардан Усаинович Нұрумов, Юрий Евгениевич Тимощенко және Шакир Хусайнович Хахазовты ұсынған еді.
Кеше еліміздің сайлау заңнамасының талаптарына сәйкес Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына Ассамблея Кеңесі ұсынған кандидаттар Орталық сайлау комиссиясына тіркеу үшін қажетті мынадай құжаттарды ұсынды: Ассамблея Кеңесінің депутаттыққа кандидаттарды ұсыну туралы хаттамасынан үзінді көшірме, депутаттыққа кандидат болып дауысқа түсуге келісім беру туралы өтініш, Қазақстан халқы Ассамблеясының Кеңесі ұсынған әрбір адам туралы өмірбаяндық деректер, салық органының Қазақстан халқы Ассамблеясының Кеңесі ұсынған кандидаттардың және олардың жұбайларының табысы мен мүлкі туралы декларация тапсырғаны туралы анықтамалары.
2016 жылғы 21 наурызға тағайындалған Қазақстан халқы Ассамблеясы сайлайтын Қазақстан Республикасы Парламенті Мәжілісі депутаттарын кезектен тыс сайлауды әзірлеу мен өткізу жөніндегі негізгі іс-шаралардың күнтізбелік жоспарына сәйкес, Қазақстан халқы Ассамблеясы ұсынған Қазақстан Республикасы Парламенті Мәжілісінің депутаттығына кандидаттарды тіркеу 2016 жылғы 29 ақпан – 5 наурыз аралығындағы кезеңде жүргізіледі.
Әлисұлтан ҚҰЛАНБАЙ,
«Егемен Қазақстан».
Суретті түсірген
Ерлан ОМАРОВ.