АСТАНА. 1 наурыз. Apple компаниясы 21 наурызда iPad планшеті мен iPhone 5SE смартфонының жаңа үлгілерінің таныстырылымын өткізеді. Бұл туралы «Интерфакс» ақпарат агенттігіне сілтеме жасаған egemen.kz тілшісі хабарлады.
Re/code порталының хабарлауынша, iPad Pro планшетінің диагоналы 9,7 дюйм болады. Сондай-ақ, Apple Watch «ақылды» сағатының жаңа үлгісіне ыңғайлы жаңа бау қосылады деп күтіледі.
Алдын ала болжам бойынша, Apple компаниясы іс-шараны жылдағыдай Купертино қаласында өткізуі мүмкін. Салтанатты кеш өтерден бір күн бұрын Калифорнияның соты Apple мен АҚШ-тың федералдық тергеу бюросы арасындағы мәселені қарайды.
Компания әзірге ақпарат құралдарына жаңа өнімдердің таныстырылымы өтетіні туралы хабарландыру беруді бастаған жоқ.
Аян Әбдуәли.
Дерек: «Интерфакс».
Сурет: i-novice.net.