Қосылған қос өзен

бір арнада екі түспен ағады Алматы халықаралық әуежайы маңында түйісетін Жарбұлақ пен Кіші Алматы өзендері табиғаттың тамаша құбылысымен тұрғындарды таңдандырып отыр. Құлдилап аққан қос өзен бір арнада түйіскенде екеуінің суы бір-бірімен аралас­пай, екі түрлі реңкпен ағуда. Қаланың әр түкпірінен арнайы келіп тамашалап жат­қан халықты таңғалдырған көріністі белгілі эколог Мэлс Елеусізов «табиғаттың тосын құбылысы» деп бағалап отыр. Оның айтуынша, өмірде мұндай құбылыстар сирек те болса кездесіп тұрады. Екі түр­лі реңк­пен ағатын өзендер таулы жерлерде көп ұшырасады екен. Себебі, бір өзеннің бас­­та­уы бұлақтан мөлдір қалпында ақ­са, онымен түйісетін келесі бір өзен алыстан ағып келуі себепті, сондай-ақ, жол бо­йында жарқабақтардың сазы­мен араласа отырып мүлдем өзге реңке боялады. Нәтижесінде құрамдары ұқсас, тіпті, бірдей екі өзеннің бірігіп аққан ағысы түрлі реңкке боялмақ. Өзен суының бұлай мінез танытуына ағын судың қосылар сағасының да орналасқан орны әсер етеді екен. Дегенмен, атал­ған өзеннің екі түрлі реңге боялып ағатыны табиғаттың ерекшелігі болса керек! Қанат ЕСКЕНДІР, «Егемен Қазақстан» АЛМАТЫ