Кездесу барысында жеңіл рельсті көлік желісін салу жобасы талқыланды.
Наталия Ханженкова өткен жылдың қорытындысында әлем бойынша банк бөлген инвестициялар көлемі жағынан Қазақстанның екінші орын алғандығын атады. Ол Еуропалық банктің Алматыда ұзақ мерзімді жобаларды жүзеге асыруға қатысуға ынталы және қала әкімдігіне қолдау көрсетуге қашанда дайын екендіктерін жеткізді.
«Біз Алматыда ЖРК желісінің құрылысын жүргізудің стратегиялық маңызды екенін көріп отырмыз. Бұл жоба мегаполистің әлеуметтік және экономикалық дамуына жаңа серпіліс беретін болады. Соңғы бірнеше ай ішінде оны қолға алуда елеулі алғажылжушылық байқалады», – деді ЕҚДБ басқарушы директоры.
Естеріңізге сала кетейік, қазіргі кезде қала әкімдігі ЖРК ұзындығы 22,9 км болатын тиімді қаржы моделінің техникалық шешімдерін жасау үстінде. Жоба қала көлік инфрақұрылымын дамытудың, кептеліс және экология мәселелерін шешу мен жолаушы тасымалының сапасын арттырудың бір бөлігі болып есептеледі.
Айнаш Есали,
«Егемен Қазақстан»
