Халықтың орташа өмір сүру ұзақтығы 67 жастан 70 жасқа жоғарылаған. Сол сияқты, нәрестелер өлім-жітім көрсеткіші 1000 балаға шаққанда 17,1%-дан 4,6%-ға төмендесе, жалпы өлім-жітім көрсеткіші 1000 адамға шаққанда 7,1%-дан 1,6 %-ға азайған. Сондай-ақ, туберкулез дертімен сырқаттанушылық 1000 адамға шаққанда 85%-дан 27%-ге төмендеп, қан айналым жүйесінен болған өлім-жітім көрсеткіші 1000 адамға шаққанда 137,2%-дан 10,7%-ге, онкологиялық аурудан болған өлім-жітім көрсеткіші 1000 адамға шаққанда 35,8%-дан 15%-ға кеміпті.
Қала әкімі сонымен бірге шаһардың әлеуметтік-экономикалық дамуына әсер етер инвестиция, тау-кен өндірісі, өнеркәсіп, ауыл шаруашылығы, коммуналды шаруашылық сынды бірқатар салалардағы жетістіктерді жіліктеп берді.
Бақтияр ТАЙЖАН,
«Егемен Қазақстан»
