Қазақстан нарығында көптеген жылдардан бері қызмет ететін ұлыбриатаниялық «Шелл» компаниясы автомобильді экомарафонға қатысу үшін арнайы құрастырып шығарған. Азияда және Еуропада ұйымдастырылатын мұндай шара аз жанар-жағармай жағу арқылы ұзақ қашықтықты бағындыратын көлікті анықтауды мақсат етеді. Ал бұл автомабиль бар болғаны бір литр бензинмен жүз шақырымға жүре алады. Максималды жылдамдығы – 45 шақырым/сағат. Салмағы – 295 кг. «Иамаха» скутер моторымен жабдықталған көлік газбен де қозғала алады.
«Дәл қазіргі кезде оның багына «Шелл» компаниясының «Ай-95» маркалы жанармайы құйылған. Дүниежүзі бойынша автомобильдің төрт данасы ғана бар. Алдағы уақытта ЭКСПО қонақтарын мінгізіп, әрі-бері жүруге мүмкіндік болады. Әзірге көпшілік назарына көру үшін ғана ұсынудамыз. Көлікті әлі нарыққа шығарып, саудалаған жоқ. Бірақ бағасы – 30 мың доллардың шамасында», дейді компания өкілі Құндыз Ахметкәрімова.
Асхат РАЙҚҰЛ,
«Егемен Қазақстан»,
Суреттерді түсірген Орынбай БАЛМҰРАТ, «Егемен Қазақстан
