ҚР автомотоспорт федерациясының вице-президенті, автопилот Владимир Бородин электромобильдің біріне Миннихановты отығызып алып, жүріп көрсетті. Мұнан кейін Минниханов рульді өзі алып, JAC IEV6S электромобилін жеке «сынап» көрді.
Өзі спорт шебері, кәсіби автошабандоз, спорттың осы түрінен Ресей және Еуропа жарыстарының жүлдегері Рустам Нұрғалиұлы электромобильге жоғары баға берді. «Электромобиль жақсы, жеңіл басқарылады» деді Рустам Нұрғалиұлы. Сонымен қатар зауыттың қуатына, жоғары технологияларды меңгергеніне, электромобиль өндірісін игергеніне ризалығын жасыра алмады.
Кездесу соңында AllurGroup директорлар кеңесінің төрағасы Андрей Лаврентьев Татарстан президенті арқылы Татарстан автомоторспорт федерациясының пайдалануына бір JAC IEV6S электромобилін сыйға тартты. Кездесу барысында Татарстан делегациясы автомобиль өнеркәсібінде қазақстандық машина жасаушылармен әріптестік жұмыс істеуге дайын екендігін білдірді.
Нәзира Жәрімбетова,
«Егемен Қазақстан»
Қостанай