ЭКСПО-2017 • 30 Тамыз, 2017

Қоршаған ортаға әлемнің қамқорлығы қажет

469 рет
көрсетілді
1 мин
оқу үшін

ЭКСПО-2017 халықара­лық көрмесі аясында ұйым­дас­тырыл­ған «Болашақ энергия­сы» фо­­румының 11-конференциясы «Қоршаған ортаны қорғау саласындағы халықаралық экономика және саясат» тақырыбын қам­тыды.

Қоршаған ортаға әлемнің қамқорлығы қажет

Онда Нобель сый­лы­ғы­ның лауреаты Мохан Мунасин, Таза энергия жөніндегі Америка-Қытай серіктестігі ұйымының төрайымы Пегги Лю секілді танымал тұлғалар пікір алмасып, қоршаған ортаны қорғау проб­лемаларын шешу және тұрақты энер­гетиканы дамыту үшін жа­ңа эко­номикалық әрі саяси се­рік­тес­тік қарым-қатынастар қажет­ті­гін әңгімеледі.

Жиында Әділет министрлігі Зият­керлік меншік құқығы депар­та­ментінің директоры Наталья Пан сөз сөйлеп, 2015 жылдан бас­­тап «жасыл» экономикаға кө­шу тұжырымдамасы аясында 2 593 технология патенттелгенін жет­кізді. Олардың жартысынан көбі табиғатты қорғауға бағытталса, 45 пайызы қатты минералды бөл­шек­терге қатысты. «Бүгінгі таңда эко­жүйені сақтамай, экономиканы дамыту мүмкін емес. Еліміз жаң­ғырмалы энергия көздеріне көшу мен энергетикалық процес­терде энергияның жұмсалуын қыс­қартуға барынша күш салады. Осы орайда 2013 жылы «жасыл» экономикаға көшу концепция­сын қабылдадық. Бұл құжат Эко­но­миканы үшінші жаңғырту мем­лекеттік бағдарламасы бойын­ша жүзеге асып отыр», деді Наталья Пан.

Қазіргі таңда әлемде газды қоса алғанда дәстүрлі энергия көз­дерін тұтыну көлемі азайып ке­ле­ді. Есесіне жаңғырмалы энергия көздерін қолдану көлемі арту үс­тін­де. Осы саланы дамытуға жә­не инновациялық жаңалықтар ен­­гізу үшін Қазақстан кейбір заң­на­малық актілеріне өзгерістер мен толықтырулар енгізілген.

 Асхат РАЙҚҰЛ,

«Егемен Қазақстан»